نعت رسول: بہار خلد کا نقشہ ہے آپ کی چوکھٹ

<p>نتیجۂ فکر: طفیل احمد مصباحی</p>
<p>جمال و حسن کا طُغریٰ ہے آپ کی چوکھٹبَہارِ خلد کا نقشہ ہے آپ کی چوکھٹ</p>
<p>ہر ایک غم کا مداوا ہے آپ کی چوکھٹدُکھے دلوں کا سہارا ہے آپ کی چوکھٹ</p>
<p>قدم قدم پہ بَہاروں کا عنبریں جھونکاجمالِ صبحِ دل آرا ہے آپ کی چوکھٹ</p>
<p>فرشتے چومتے ہیں سنگِ در عقیدت سےکچھ ایسی افضل و اعلیٰ ہے آپ کی چوکھٹ</p>
<p>عیاں ہے آیتِ " جَاؤُوْکَ " سے گنہگارو !گنہ کے عفو کا حِیلہ ہے آپ کی چوکھٹ</p>
<p>فرازِ عرش بھی حیرت سے دیکھتا ہے اسےعُلو کا ایسا مِنارا ہے آپ کی چوکھٹ</p>
<p>زمانہ اس لیے آتا ہے حاضری دینےخدا کے قرب کا زینہ ہے آپ کی چوکھٹ</p>
<p>طفیل عقل کے اندھوں سے بر ملا کہہ دوزمیں پہ عرشِ معلّیٰ ہے آپ کی چوکھٹ</p>