نعت رسول: فلک منور، زمین روشن، سہانا پل پل، نبی جی آئے

<p>فلک منور زمین روشن سہانا پل پل نبی جی آئےدرود ان پر سلام ان پر رہے مسلسل نبی جی آئے</p>
<p>دمک رہا ہے یہ ذرہ ذرہ مہک رہا ہے جہان ساراستارےجھک کرکریں زیارت فضاہے جلتھل نبی جی آئے</p>
<p>پھوار رحمت برس رہی ہے کرم کے بادل رواں دواں ہیںنثار غلماں فدا ہیں حوریں منیر و اجمل نبی جی آئے</p>
<p>چہک رہی ہیں یہ بلبلیں بھی کہ نغمہ قمری بھی گار ہی ہیںبصف ملائک یہ کہہ رہےہیں کہ سب سے افضل نبی جی آئے</p>
<p>اندھیریاں ہر طرف تھیں چھائی کہ کفر اپنی اڑا تھا ضد پربپا ہے ماتم صنم کدوں میں حنیف و اکمل نبی جی آئے</p>
<p>ہزار برسوں سے جل رہی تھی بجھی وہ ایسی کہ نا جلی تھیہوئے ہیں حیران اہل فارس مچی ہے ہلچل نبی جی آئے</p>
<p>بہت تھا نازاں وہ شاہ ایراں کہ مثل اس کے نہیں ہیں شاہاںگواہی اس کے محل نے دے دی کہ وہ ہیں اول نبی جی آئے</p>
<p>امین و صادق شفیع محشر وہ سب کے ہادی وہ سب کے رہبرہیں بن کے رحمت جہاں کی آئے خدا کے مرسل نبی جی آئے</p>
<p>زہے مقدر حلیمہ کے گھر سوار آئے بہار آئیجو ناقہ لاغر وہ تیز رو اب ہے سب میں افضل نبی جی آئے</p>
<p>پیمبروں کے امام و سرور ہوئی نبوت تمام ان پرہے چاند قرباں قمر نبوت ہوا مکمل نبی جی آئے</p>
<p>کسی سے کیسے بیاں ہو یاسر حیات ان کی صفات ان کیہے جن کی سیرت قران سارا وہ بن کے مشعل نبی جی آئے</p>
<p>نتیجۂ فکر: یاسرعبدالقیوم قاسمی</p>