نعت رسول: حسن ایسا نہیں دیکھا کہ ہے جیسا تیرا

<p>تحریر: محمد امیر حسن امجدی رضویخادم الافتا و التدریس: الجامعة الصابریہ الرضویہ پریم نگر نگرہ جھانسی یوپی</p>
<p>میری نظروں میں ہمہ وقت ہو چہرہ تیراہو محبت کا فقط دل میں بسیرا تیرا</p>
<p>یوں جیوں لب پہ رہے نام وہ والا تیراوقتِ رخصت بھی زباں نام لے آقا تیرا</p>
<p>قبر میں دیکھوں گا جب وہ رخِ زیبا تیراحشر تک نظروں سے جائیگا نہ چہرہ تیرا</p>
<p>حشر میں بھی سدا دیکھیں گے ہاں مکھڑا تیراہوگا اس روز عجب شان و جلوہ تیرا</p>
<p>"حسن ایسا نہیں دیکھا کہ ہے جیسا تیرا،،کہہ اٹھے روح الامیں کر کے نظارا تیرا</p>
<p>یوں جگاؤں تو نہ ہوجائے کہیں گستاخیاس لئے چومتے جبریل ہیں تلوا تیرا</p>
<p>مرتبہ تیرا بھلا کیا کوئی انساں جانےرب ہی جانے کہ ہے کس اوج پے رتبہ تیرا</p>
<p>اپنے عصیاں کے سبب خلد کے لائق تو نہیںمطمئن پھر بھی کئے ہے ہاں! بھروسہ تیرا</p>
<p>ہم گنہگاروں پے الطاف و کرم فرمائیںنام لیوا ہیں تیرا اور ہیں منگتا تیرا</p>
<p>میرے اعمال کے دفتر میں نہیں حسنِ عملقبر میں حشر میں مجھ کو ہے سہارا تیرا</p>
<p>کاش اک بار اگر مجھ پے کرم ہوجائےجیتے جی دیکھ لوں میں بھی درِ والا تیرا</p>
<p>اک گدا ہی نہیں، ہیں شاہ تیرے در کے فقیرشہریارِ زماں کھاتے سبھی صدقہ تیرا</p>
<p>اس لئے میرا ہر اک کام تو بن جاتا ہےلیکے کرتا ہوں میں ہر کام وسیلہ تیرا</p>
<p>میری بخشش کا ہے ساماں تیری مدحت واللہاسی امید پے کرتا ہوں میں چرچا تیرا</p>
<p>نہیں اس کے سوا خواہش ہے کوئی اپنی امیرؔدیکھ لوں موت سے پہلے ہاں میں روضہ تیرا</p>