نعت : پر رسول اللہ کا دین حسن رہ جائے گا

<p>تضمین بر کلامِ سیِّد کفایت علی کافیٓ علیہ الرحمہ</p>
<p>ازقلم : میرزا امجد رازی</p>
<p>سوزِ خلوت اور نہ سازِ انجمن رہ جاے گاکوئی نغمہ اور نہ کوئی خوش دَہن رہ جاے گاوَحشی و مجنوں نَہ کوئی دَشت و بَن رہ جاے گا</p>
<p>کوئی گل باقی رہے گا نَے چمن رہ جاے گاپر رسول اللہ کا دینِ حَسَن رہ جاے گا</p>
<p>بے ثبات اُٹھ جاے گا مِٹ جاے گا نقشِ قرارعرصۂ عالم رہے گا وقت کا پرکار زاریوں تو ہو گا ہر حجابِ کہنہ رُخ بھی تَار تَار</p>
<p>اِنقلابِ دَور گو دنیا میں ہو گا لاکھ بارسکّۂ دینِ نبی کا پر چلن رہ جاے گا</p>
<p>بھول جاے گی مہک کر جھومنا بادِ صباآشیاں جل جاے گا مَوسم نہ ہو گا جانفزاسازِ لے بدلے گا ہر رقّاصِ خوش آہنگ کا</p>
<p>ہم صفیرو ! باغ میں ہے کوئی دَم کا چہچہابلبلیں اُڑ جائیں گی سُونا چمن رہ جاے گا</p>
<p>آنکھ وہ کیا آنکھ جس میں اَشک کا طوفاں نہ ہودِل وہ کیا دِل جس میں شوقِ جلوۂ جاناں نہ ہوحیف ایسی زندگی پر ، عقبیٰ کا ساماں نہ ہو</p>
<p>اطلس و کمخواب کی پَوشاک پر نازاں نہ ہواِس تنِ بے جان پر خاکی کفَن رہ جاے گا</p>
<p>نقشِ تصویرِ بُتاں مِٹ جائیں گے لیکن یہاںعہد و پیمانِ زباں مِٹ جائیں گے لیکن یہاںاہلِ عیشِ جاوِداں مِٹ جائیں گے لیکن یہاں</p>
<p>نامِ شاہانِ جہاں مِٹ جائیں گے لیکن یہاںحشر تک نام و نشانِ پنجتن رہ جاے گا</p>
<p>وجہِ اَرض و گردشِ افلاک کے اوپر درودقبلۂ قدسی و اہلِ خاک کے اوپر درودشافعِ محشر رسولِ پاک کے اوپر درود</p>
<p>جو پڑھے گا صاحبِ لَولَاک کے اوپر درودآگ سے محفوظ اُس کا تَن بدَن رہ جاے گا</p>
<p>ہوں گے نطقِ دیگراں ماضی و لیکن حشر تکمحفلیں ہو جائیں گی خالی و لیکن حشر تکخاک ہو گا گفتۂ رازیٓ و لیکن حشر تک</p>
<p>سب فنا ہو جائیں گے کافیٓ و لیکن حشر تکنعتِ حضرت کا زبانوں پر سخن رہ جاے گا</p>