نعت رسول: لا سکے تو لائے کوئی ان کا ہمسر خاک پر

<p>نتیجہ فکر: شیخ احمد نقشبندی اعظمی</p>
<p>بالیقیں محبوبِ رب ہیں سب سے بہتر خاک پرلا سکے تو لائے کوئی ان کا ہمسر خاک پر</p>
<p>آرزو رکھتے ہیں دل میں بس یہ عشاقِ رسول,سایۂ دیوار جاناں میں ہو بستر خاک پر,</p>
<p>دی شہادت کنکروں نے جب رسولِ پاک کیپھینک کر بو جہل بھاگا سارے کنکر خاک پر</p>
<p>جب ہوا وقتِ ولادت سرورِ کونین کاآمنہ بی بی نے دیکھا نوری لشکر خاک پر</p>
<p>آسماں کے ماہ و اختر جھک گئے سوئے زمیںہو گیا جس دم طلوع بے مثل اختر خاک پر</p>
<p>سلطنت تقسیم کرتے ہیں غلامانِ نبیجو دکھائی دیتے ہیں مثلِ قلندر خاک پر</p>
<p>جو نکلتا ہے غمِ سرکارِ دوعالم میں اشکاس کے جیسا آنکھ نے دیکھا نہ گوہر خاک پر</p>
<p>مست رہتا ہے وہ یادِ مصطفی میں ہر گھڑیان کی الفت کا لیا جس نے بھی ساغر خاک پر</p>
<p>جو بھی دربارِ رسالت سے پھرے احمد وہ ابجھولی پھیلائے پھرے کیوں کر نہ در در خاک پر</p>