نعت رسول: آپ کے آنے کے بعد

<p>محمد اشرفؔ رضا قادریمدیر اعلی سہ ماہی امین شریعت</p>
<p>اے شہنشاہِ مدینہ آپ کے آنے کے بعدہو گئی پُر نور دنیا آپ کے آنے کے بعد</p>
<p>وہ زمیں طعنِ فلک سے جو کبھی مطعون تھیبن گئی رشکِ ثُریا آپ کے آنے کے بعد</p>
<p>اس جہانِ رنگ و بو میں آ گیا اک انقلابجانِ آدم، فخرِ حوا آپ کے آنے کے بعد</p>
<p>ہو گئی کافور ظلمت، جگ میں پھیلی روشنیمرکزِ نور و تجلیٰ آپ کے آنے کے بعد</p>
<p>آیتِ ’’اقرا‘‘ سے بدلا قوم کا ذہن و مزاجعلم کا پھیلا اُجالا آپ کے آنے کے بعد</p>
<p>کفر کے ایوان میں بھونچال آیا، ہِل گیااہلِ باطل کا کلیجہ آپ کے آنے کے بعد</p>
<p>قیصر و کسریٰ کے ایوانوں میں آیا زلزلہاے شہنشاہِ مدینہ آپ کے آنے کے بعد</p>
<p>بت پرستوں کو ہوئی تکلیف، ٹھنڈا ہو گیااہلِ ایماں کا کلیجہ آپ کے آنے کے بعد</p>
<p>بیکسوں کو، غم زدوں کو مل گئی جائے اماںدونوں عالم کے مسیحا آپ کے آنے کے بعد</p>
<p>دور آیا سرخوشی کا ، دہر میں جاری ہوافیض اور بخشش کا دریا آپ کے آنے کے بعد</p>
<p>بیٹیوں کو زندہ دفنانے کا اے اشرفؔ رضابدلا نا جائز طریقہ آپ کے آنے کے بعد</p>