نعت رسول: لَو لگا کر اُن سے لِے شمعِ محبت کے مزے

<p>نتیجۂ فکر: عبدالمبین حاتمؔ فیضی، مہراج گنج</p>
<p>لَو لگا کر اُن سے لِے شمعِ محبت کے مزےچاہیے تجھ کو اگر مرقد میں طلعت کے مزے</p>
<p>اُن کے دربارِ محبت میں جبیں اپنی جھُکاچاہتا ہے گر ملیں تجھ کوبھی رفعت کے مزے</p>
<p>وہ درودِ پاک اُن پر روز و شب پڑھتا رہےچاہیےجنت میں جس کوان کی قربت کےمزے</p>
<p>دل ہے گر عشقِ رسول ِ پاک سے معمور تو"روح لیگی حشر تک خوشبوئےجنت کےمزے"</p>
<p>جو یہاں ناموسِ آقا پر فدا خود کو کرےحشر میں لے گا وہ آقا کی شفاعت کے مزے</p>
<p>اِبتدا دن کی کرو پڑھ کر کلامِ پاک کوچاہتے ہو گھر میں گرتم خیر و برکت کے مزے</p>
<p>اے دعا ! دربارِ آقا سے تُو جا رب کے حضورچاہیے تجھ کو اگر رب سے اجابت کے مزے</p>
<p>یہ کرم ہےان کا حاتم سنتے ہیں جو خود درودپڑھ کے لے صَلّ ِ عَلیٰ حسنِ عنایت کے مزے</p>