منقبت: بگڑا ہوا نصیبہ بناتے ہیں غوث پاک

<p>نتیجۂ فکر: شاہد رضا رضوی، سنت کبیر نگر</p>
<p>دین نبی کی شمع جلاتے ہیں غوث پاکبھٹکے ہوؤں کو راہ دکھاتے ہیں غوث پاک</p>
<p>آؤ اے غمزدوں چلو بغداد کو چلیںبگڑا ہوا نصیبہ بناتے ہیں غوث پاک</p>
<p>غوث الوریٰ نے چور کو ابدال کر دیااور اسکو رب کا دوست بناتے ہیں غوث پاک</p>
<p>جس پر پڑی نگاہ کرم ہو گیا ولیفضل خدا سے رتبہ یہ پاتے ہیں غوث پاک</p>
<p>بارہ برس کی کشتی سلامت نکال دیرب کی عطاء سے مردے جلاتے ہیں غوث پاک</p>
<p>شاہ جیلاں کی شان سخاوت تو دیکھئےکھاتی ہے کائنات کھلاتے ہیں غوث پاک</p>
<p>کرتے ہیں ادب اول و آخر ولی سبھیولیوں میں ایسا مرتبہ پاتے ہیں غوث پاک</p>
<p>مشکل کشا کی آل ہیں مشکل کشا بھی ہیںمشکل کو دم میں دور بھگاتے ہیں غوث پاک</p>
<p>منگتوں کو ایک آن میں سلطان کر دیافیض و کرم کا دریا بہاتے ہیں غوث پاک</p>
<p>جو لوگ بھی سجاتے ہیں بزم انکی دھوم سےان عاشقوں کے گھر میں بھی آتے ہیں غوث پاک</p>
<p>مشکل میں انکا نام میں لیتا ہوں اس لئےمشکل کو میری آساں بناتے ہیں غوث پاک</p>
<p>شاہد نہ غمزدہ رہو بس نام ان کا لوگرتے ہوؤں کو تھامنے آتے ہیں غوث پاک</p>