ابھی اور ٹھہر اے مہ رمضاں

<p>نتیجہ فکر: سلمان رضا فریدی مصباحی، مسقط عمان</p>
<p>تو ہم میں ابھی اور ٹھہر، اے مَـہِ رمضاںاتنی بھی نہ جلدی سے گُزر اے مَـہِ رمضاں</p>
<p>حسرت سے تجھے چشمِ وفا دیکھ رہی ہےخَم ہے ترے اعزاز میں سَر ، اے مہ رمضاں</p>
<p>ہم کر نہ سکے کچھ بھی تری شان کے لائقروتا ہے جدائ سے جگر اے مہ رمضاں</p>
<p>شرمِندہ کھڑے ہیں تری دہلیز کے آگےخاموش زباں ، دیدۂ تَر، اے مہ رمضاں</p>
<p>ہم جیسے نِکَمّوں پہ یہ احسان ہے تیراتو بن کے کریم آیا ہے گھر اے مہ رمضاں</p>
<p>افسوس کے آنسو ہیں مرے طَشتِ عمل میںکردے مرے اشکوں کو گُہر اے مہ رمضاں</p>
<p>آئندہ ملوں تجھ سے یہ معلوم نہیں ہےتو چھوڑ کے جامجھ پہ اثر اے مہ رمضاں</p>
<p>ہو تیری جھلک سیرت و کردار کے اندرآنکھوں میں سما ! دل میں اُتَر، اے مہ رمضاں</p>
<p>مل جائے ترے در سے ہمیں "بَدْر" کا صدقہہم زیر سے ہو جائیں زَبَر اے مہ رمضاں</p>
<p>تقوٰی مری فطرت میں سما جائے کچھ ایساہر وقت ہو اللہ کا ڈر اے مہ رمضاں</p>
<p>لایـا ہـے تـو پـروانـۂ آزادئِ دوزخہے مَخزَنِ بخشش ترا در اے مہِ رمضاں</p>
<p>محشرمیں نہ رکھنا ہمیں محرومِ شفاعتاے چَرخِ مُرَوَّت کے قمر اے مہ رمضاں</p>
<p>گر تو نے عنایت کی نظر ڈال دی مجھ پرمٹ جائے گا دوزخ کا خطر اے مہ رمضاں</p>
<p>بندوں کو دیا تو نے شب قدر کا تحفہبے شک ہے یہ اعزازِ بشر اے مہ رمضاں</p>
<p>ہے تیری جبیں ، جلوۂ قرآں سے منورتو ہے شبِ عالم کی سحر اے مہ رمضاں</p>
<p>راتیں تری انمول ہیں دن تیرے نرالےسب تجھ پہ فدا دولت و زر اے مہ رمضاں</p>
<p>مجھ کو تری آغوشِ کریمہ ہو میسرجس وقت ہو دنیا سے سفر اے مہ رمضاں</p>
<p>کرتا رہے تقسیمِ ضیا، جس سے فریدیؔپیمانۂ فن نور سے بھر اے مہ رمضاں</p>