منقبت بر زمین رضآ بریلوی

<p>نتیجہ فکر: محمد اشرفؔ رضا قادریمدیر اعلی سہ ماہی امین شریعت</p>
<p>مرتبہ اے شہِ بغداد ہے اعلیٰ تیراعرشِ اعظم پہ فرشتوں میں ہے چرچا تیرا</p>
<p>نورِ سرکار کا پرتَو ہے سراپا تیرامحوِ حیرت ہے قمر دیکھ کے جلوہ تیرا</p>
<p>جو تجھے دیکھ لے اک بار وہ سو بار کہےپُر کشش حد سے زیادہ ہے نظارہ تیرا</p>
<p>اُدَبا شوق سے لکھتے ہیں سوانح تیریشُعَرا شوق سے پڑھتے ہیں قصیدہ تیرا</p>
<p>کیوں نہ پھر تیرے تصرّف میں ہوں دنیاوی امورمالکِ جن و بشر جب کہ ہے نانا تیرا</p>
<p>ہو کے بے خوف و خطر تیری حمایت کے سببشیر کو چِیر دیا کرتا ہے کتّا تیرا</p>
<p>تیرے عشاق رہیں پیاسا یہ ممکن ہی نہیںجود و بخشش کا رواں جب کہ ہے چشمہ تیرا</p>
<p>پھول جیسا ترا لہجہ ہے غلاموں کے لیےاہلِ باطل کے لیے تیغ ہے خطبہ تیرا</p>
<p>دین کی گتّھیاں پل بھر میں سلجھ جاتی ہیںشارحِ نبوی فرامین ہے خامہ تیرا</p>
<p>تیرے فرمان پہ کرتے ہیں عمل سارے ولیاصفیا چلتے ہیں جس پہ وہ ہے رستہ تیرا</p>
<p>قلبِ اشرفؔ کی سیاہی کو مٹا دے شاہاسارے عالم میں ہے مشہور اجالا تیرا</p>