غزل: اک نہ اک دن زوال ہے صاحب

<p>نتیجہ فکر: فیصل قادری گنوری</p>
<p>کب تمھیں کچھ خیال ہے صاحبکیا غریبوں کا حال ہے صاحب ؟</p>
<p>آج تم ہو عروج پر تو سنواک نہ اک دن زوال ہے صاحب</p>
<p>ایک دن خود تمھیں پھنسا لے گایہ جو سازش کا جال ہے صاحب</p>
<p>پھر ہمی پر ہیں آپ کی نظریںپھر نئی کوئی چال ہے صاحب ؟</p>
<p>بے سبب کیوں غرور کرتے ہو ؟حسن یہ چند سال ہے صاحب</p>
<p>آپ کے سامنے زباں کھولےکب کسی کی مجال ہے صاحب ؟</p>
<p>داد ہے آپ کی ذہانت پراپنی ماری حلال ہے صاحب</p>
<p>شعر پڑھنا کوئی کمال نہیںشعر کہنا کمال ہے صاحب</p>
<p>کاش فیصل یوں داد محفل دےشاعری بے مثال ہے صاحب</p>