نبی کی نعت نہ دن رات گنگنائے کیوں

<p>نبی کی نعت نہ دن رات گنگنائے کیوںیہی ہے سنّتِ حسان ہچکچاۓ کیوں</p>
<p>شُہُودِ حق سے زباں اس کی کپکپاۓ کیوںجو اہلِ حق ہے وہ باطل سے مات کھاۓ کیوں</p>
<p>انہیں کے صدقے ملے جان و مال و دھن دولتنہ فخر ذاتِ پیمبر پہ ہم کو آۓ کیوں</p>
<p>ہوا ہے جو بھی فنا فی الرسول اے لوگو!لحد میں آکے فرشتہ اسے ڈراۓ کیوں</p>
<p>بروزِ حشر وہ میزان پر کھڑے ہوں گےتو میرا نامۂ اعمال ہلکا آۓ کیوں</p>
<p>وہ سب کو کوثر و تسنیم بانٹتے ہوں گےحریقِ حشرِ نکمے کو پھر ستائے کیوں</p>
<p>پکڑ کے دامنِ سرکار سر سے گزروں گاوہ پل صراط سقر میں مجھے گرائے کیوں</p>
<p>گنہگار ہوں لیکن نبی کا بندہ ہوںدرِ ارم کا دروغہ مجھے ہکاۓ کیوں</p>
<p>نبی کے لطف و کرم نے مجھے سنبھالا ہےغمِ حیات کی آندھی مجھے اڑاۓ کیوں</p>
<p>ہے مجھ پہ دست حمایت حبیبِ داور کاحریفِ جاں کا الم مجھ کو کپکپاۓ کیوں</p>
<p>نبی کی صورتِ زیبا ہے دل کے شیشہ میںجمالِ دنیا نظر اس میں تجھ کو آۓ کیوں</p>
<p>امامِ حسن کی صورت ہے جب نگاہوں میںہمارا عشق ہمیں مصر لے کے جاۓ کیوں</p>
<p>حریمِ قلب میں رہتے ہیں ہادیٔ اکرمجہاں کے قوس و قزح سے فریب کھاۓ کیوں</p>
<p>ہمارے حامی و ناصر ہیں جب رسول اللّٰہخرامِ ہستی مصائب میں لڑکھڑاۓ کیوں</p>
<p>رضا و مفتئ اعظم کے بعد اختر ہیںچراغِ سنّتِ سرکار تھر تھراۓ کیوں</p>
<p>تسلی دیتے ہیں انؔور کو مصطفٰی پیارےفراقِ دورئ طیبہ اسے رولاۓ کیوں</p>
<p>فقیر صابریمحمد خورشید انؔور امجدی</p>