نعت: ترے در پہ بھیک لینے سبھی شہر یار آئے

<p>مرے عشق کے چمن میں مرے رب بہار آۓشہ دیں کے خادموں میں، مرا بھی شمار آۓ</p>
<p>غمِ مصطفیٰ ہو مولیٰ مرے قلب پر مسلطمجھے ہجر مصطفیٰ میں نہ کبھی قرار آۓ</p>
<p>اُسے بھائیں کیسے دنیا!یہ ترے حسیں نظارےدرِ پاک مصطفیٰ کو جو بشر نہار آۓ</p>
<p>ترا در درِ خدا ہے تو حبیبِ کبریا ہےترے در پہ ہر فرشتہ تبھی بار بار آئے</p>
<p>تجھے کل جہاں کا قاسم ترے رب نے ہے بنایا"ترے در پہ بھیک لینے سبھی شہر یار آئے"</p>
<p>ترےمیکدےسےنسبت ہوئی جب سے مجھکو ساقیمری آنکھ میں مکرر ترا ہی خمار آئے</p>
<p>رخ سید دو عالم مرے روبرو رہے بسمرے رب دو جہاں جب دم احتضار آئے</p>
<p>ترا در ہو جانِ جاناں مرا سر ہو جانِ جاناںمری زیست میں یہ موقع شہا بار بار آئے</p>
<p>مجھے جب ستاۓ دنیا مجھے جب رلاۓ دنیاتری رحمتوں کا ہر دم شہ دیں حصار آۓ</p>
<p>نہیں جن کا کوئی ماویٰ نہیں جن کاکوئی ملجامرے رحمت دو عالم تمہیں ان پہ پیار آۓ</p>
<p>مجھے فکر کس لئے ہو بھلا حشر کے غموں کاجب برائے غمگساری مرے غمگسار آۓ</p>
<p>کچھ اشارہ کیجئےنا!مرے اچھےاعلی حضرتمرے فن شاعری میں بھی ذرا نکھار آۓ</p>
<p>درِ مصطفیٰ پہ جاؤں اسی در پہ سر جھکاؤںذرا نجدی تو بتا تو تجھے کیوں بخار آۓ</p>
<p>ترے ہجر کا الم ہو اسی غم میں آنکھ نم ہومرے قلبِ مضطرب کو نہ کبھی قرار آۓ</p>
<p>کریں نازاس کی قسمت پہ فرشتے حوروغلماںدرِ مصطفیٰ پہ اختر دل و جاں جو وار آۓ</p>
<p>رشحات قلم : محمد شعیب اختر قادری دھرم سنگھوا</p>