شانِ خواجہ غریب نواز علیہ الرحمہ

<p>نتیجۂ فکر: سلمان رضا فریدی مصباحی، مسقط عمان</p>
<p>بدل ڈالے دیارِ کفر کے دَستُور خواجہ نےبسایا ہند میں وحدانیت کا نور خواجہ نے</p>
<p>دِکھایا وقت کے فِرعَونِیوں کو جلوۂ موسٰیجَلایا قصرِ باطل میں چراغِ طُور خواجہ نے</p>
<p>چلے راہِ خدا میں، پرچمِ عشقِ نبی لے کرکیا سازش کے ہر بندھن کو چَکنا چٗور خواجہ نے</p>
<p>نہ ٹھہری کفر کی جھوٹی چمک اُس نور کے آگےضیاے حق کو باطل پر کیا منصور خواجہ نے</p>
<p>دلوں کی سَر زمیں کو تابِشِ ایماں عطا کر کےاندھیرا کفر کا ، فرما دیا کافُور خواجہ نے</p>
<p>ستاروں کی طرح، روشن ہیں اُن کے نقشِ پا اب بھیزمینِ ہند ! تجھ کو کردیا پُر نور خـواجہ نے</p>
<p>کہیں گمنام اب تک ہوچکا ہوتا "اَنا ساگر"اُسے " کا سے " میں لیکر ، کر دیا مشہور خواجہ نے</p>
<p>تکبر خاک میں سب مل گیا "جے پال جوگی " کاجلالِ حق سے اُس کو یوں کیا مَقہُور خواجہ نے</p>
<p>یقینا عزتِ دارین اُس کو ہوگئ حاصلغـلامی میں جسے فرما لیا منظور خـواجہ نے</p>
<p>غموں میں جب اُنھیں آواز دی اہلِ عقیدت نےتو پھر چشمِ عنایت سے کیا مسرور خواجہ نے</p>
<p>نُجومِ فکر ہیں میرے ، اُسی مہتاب سے روشنفریدی ! میری فطرت کو کیا مَعمُور خواجہ نے</p>