منقبت: تو ہے مجموعۂ اَفضال، فقیہ ملت

<p>سند الفقہاء ، مرجع العلماء ، غواص بحر فقہ ، شانِ مسند افتاء ، استاذ الاساتذہ ،، محقق دوراں ،، ناشر فکر رضا ، یادگارِ رئیس القلم ،، مظہر صدر الشریعہ ، نور نگاہ سادات مارہرہ ، فقیہ ملت حضرت علامہ مفتی جلال الدین امجدی قادری برکاتی علیہ الرحمہ بانی مرکزِ تربیتِ افتا و دارالعلوم اہلسنت امجدیہ ارشد العلوم ، اوجھا گنج ضلع بستی یوپی کی بارگاہ میں نذرانۂ عقیدت(عرس پاک 3 جمادی الاخریٰ)</p>
<p>نتیجۂ فکر: سلمان رضا فریدی مصباحی، مسقط عمان</p>
<p>روشنی ہیں ترے اقوال فقیہِ ملتہیں منور ترے افعال فقیہِ ملت</p>
<p>تیری ہستی ہے فقیہانِ جہاں کی محبوبہے چمکتا ترا اقبال فقیہِ ملت</p>
<p>تیرے اندر ہیں کمالاتِ رضا کے جلوےتو ہے مجموعۂ اَفضال ، فـقیہ ملت</p>
<p>زر نہیں ڈھلتا ہے، فن ڈھلتے ہیں جسکے اندرہـے نرالی تری ٹکسال ، فـقـیہ ملت</p>
<p>گلشنِ فکرونظر اب بھی ہیں تجھ سے سیرابفن کے اے چشمۂ سَیَّال ، فقیہ ملت</p>
<p>غیرتِ عشقِ رسالت کے بلال دوراںواہ کیا ہے ترا إجلال فقیہ ملت</p>
<p>عکس تجھ میں نظر آتا ہے حسن بصری کاصوفیانہ ہے ترا حال فقیہ ملت</p>
<p>دستِ "امجد" نے تراشے ، ترے فقہی جوہر"حیدر و نوری" کا تو لال فقیہ ملت</p>
<p>تیرے کردار کو "ارشد" نے بنایا سِیمابتو ہے اک قائدِ فَعّال ، فـقـیہ ملت</p>
<p>خوب فرمایا "بزرگوں کےعقیدے" کا دفاعنجدیت ہوگئی بے حال فـقیہ ملت</p>
<p>حق کے احقاق میں گذری تری عمر نایابباطلوں کا کیا اِبطال ، فقیہ مـلت</p>
<p>باعثِ عزتِ مومن ہے تجلی تیریتو ہے اک نَیَّرِ خوش فال فقیہ ملت</p>
<p>مرجعِ طائر فن، تیری تصانیف کا باغہے ثمر بار، ہر اک ڈال ، فقیہ ملت</p>
<p>آپ نے کی ہے بڑی ظاہر و باہر تفصیلجن مسائل میں تھا اجمال، فقیہ ملت</p>
<p>تیری تحقیق نگاری سے وہابی کے فریبہوگیے خستۂ و پامال ، فقیہ ملت !</p>
<p>اسلیے ہے تری ہر بات میں بیحد تاثیرحال جیسا ہے ترا قال ، فقیہ ملت</p>
<p>نَو بہ نَو، تازہ بتازہ ہے لطافت تیریبڑھ رہا ہے ، ترا اقبال فقیہ ملت</p>
<p>کہکشاں بن کے منور ہیں ہمیشہ کیلئےتیری سیرت کے خد و خال فقیہ ملت</p>
<p>کبھی پژمردہ نہ ہوں تیرے چمن کے ازہاررہے شاداب ،، تری آل ، فقیہ ملت</p>
<p>لکھ رہاہوں تو قلم ہوگیا پُرنور مرایوں ہیں روشن ترے احـوال فـقیہ ملت</p>
<p>کیا تری دولتِ حکمت پہ فریدی لکّھےتو غنی ، اور میں کنگال ،، فقیہ ملت</p>