منقبت: قوم و ملّت کے محافظ ، عاشقِ خیر الانام

<p>از قلم : طفیل احمد مصباحی</p>
<p>قوم و ملّت کے محافظ ، عاشقِ خیر الانامسب کی نظروں میں تھے یکساں قابلِ صد احترام</p>
<p>علم وفن کی جوئے شیریں کے وہی '' فرہاد '' تھےآسمانِ علم و حکمت کے وہی ماہِ تمام</p>
<p>اہلِ ایماں پر کرم کے پھول برساتے تھے وہدشمنانِ دیں کے حق میں ایک تیغِ بے نیام</p>
<p>سادگی و عاجزی ، خُلق وشرافت بیمثالپیکرِ صبر و رضا ، جود و سخا میں نیک نام</p>
<p>اسوۂ سرکار کا وہ اک چمکتا آئینہدشمنوں سے بھی لیا جس نے کبھی نہ انتقام</p>
<p>علم کی ہر شاخ پر حاصل تھی ان کی دسترسفقہ و منطق ، فلسفہ ہو یا کہ ہو علمِ کلام</p>
<p>مردِ حق ، درویشِ کامل ، تاجدارِ معرفتمَحرمِ اسرارِ حق اور زہد و تقویٰ کے امام</p>
<p>ہر زباں پر ذکر تیرا ، ہر قلم ہے مدح خواںآسماں کرتا ہے جھک کر تیری عظمت کو سلام</p>
<p>اشرفیّہ تیرے خوابوں کی حسیں تعبیر ہےتشنگانِ علم ہوتے ہیں جہاں پر شادکام</p>
<p>نورِ علمِ دین سے گھر گھر منوّر ہو گیانشرِ علمِ دیں کا ایسا کر گئے وہ انتظام</p>
<p>احمدِ خستہ جگر کی ہے یہی قلبی دعارحمتِ حق " تربتِ حافظ " پہ نازل ہو مدام</p>