خواجہ غریب نواز کی شان میں مبینہ گستاخی پر ملک بھر میں شدید ناراضگی

<p>رضا اکیڈمی کے ایک وفد نے جنوبی ممبئی کے ایڈیشنل پولیس کمشنر سے ملاقات کر میمورنڈم سپرد کیا</p>
<p>ممبئی: ہماری آواز (پریس ریلیز) 5 جنوری// عالمی شہرت یافتہ بزرگ صوفی خواجہ غریب نواز علیہ الرحمہ کی شان میں ایک پنڈت کے ذریعہ مبینہ گستاخی کے رد میں ملک بھر میں شدید ناراضگی ہے۔ اسی کے متعلق سرگرم عمل تحریک رضا اکیڈمی کے ایک وفد نے بانی تحریک الحاج محمد سعید نوری کی قیادت میں جنوبی ممبئی کے ایڈیشنل پولیس کمشنر جناب ستیہ نارائن(آئی۔پی۔ایس۔) سے ملاقات کی اور انھیں اس پنڈت کے خلاف ایف۔آئی۔آر۔ درج کرنے کے متعلق میمونڈم سپرد کیا۔</p>
<p>رضا اکیڈمی کی جانب سے ایڈیشنل پولیس کمشنر کو سپرد کیے گئے میمونڈم میں درج باتیں۔۔۔۔</p>
<p>ایک پنڈت نے عالمی شہرت یافتہ صوفی سینٹ حضرت خواجہ غریب نواز کی توہین کرنے کی جسارت کی ہے جبکہ تمام مذاہب کے ماننے والوں کے ذریعہ ان کی تعظیم کی جاتی ہے اور اس کے معجزاتی مزار پر پوری دنیا حاضر ہوتی ہے۔</p>
<p>اس کے بیان سے پوری دنیا خاص طور پر بھارتی مسلمانوں کے جذبات مجروح ہوئے ہیں جو معاشرے کو بھڑکانے اور ان کی توجہ موجودہ تمام سیاسی حالات سے دوچار کرنے کے سوا کچھ اور نہیں۔</p>
<p>ہمیں یہ کہتے ہوئے دکھ ہوا ہے کہ اس طرح کے عناصر کے ذریعہ یہ ایک عام ماحول بن چکا ہے کہ وہ ملک میں تناؤ پیدا کرنے کے لیے اسلام یا اس کے پیغمبر یا قرآن یا صوفی بزرگوں کو نشانہ بناتے رہیں اور پھر مساجد کو ختم کردیں اور پھر اس کا الزام مسلم معاشرے پر ڈال دیں۔</p>
<p>ملک میں امن و ہم آہنگی برقرار رکھنے کے لئے ایسے افراد کی فوری گرفتاری اور قانون کا پابند ہونا ضروری ہے۔ہم امید کرتے ہیں کہ آپ اس معاملے کو سنجیدگی سے لیں گے اور ضروری اور واجبات ادا کریں گے۔</p>