منقبت : ہے دوش مسلمین پہ احسان کربلا

<p>رشحات قلم : محمد زاہد رضا بنارسی</p>
<p>بیشک بہ فیض خون شہیدانِ کربلارشک چمن بنا ہے بیابانِ کربلا</p>
<p>اسلام کو یہیں سے نئی زندگی ملیہے دوشِ مسلمین پہ احسانِ کربلا</p>
<p>جن و بشر ، ملائکہ اس در کے ہیں غلامدیکھیں تو آپ جاکے ذرا شانِ کربلا</p>
<p>کثرت سے جیت سکتا نہیں ہےکوئی بھی جنگدیتا ہے یہ سبق ہمیں میدانِ کربلا</p>
<p>مدت سے برکتوں کی میں کرتا ہوں جستجومیرے بھی گھر پہ آئیے مہمانِ کربلا</p>
<p>دیں کو یزید وقت بھلا کیا مٹائے گاجاری ہے اس پہ ہر گھڑی فیضانِ کربلا</p>
<p>سونا ادھر ادھر سے نکلتا ہے آفریںگذرا جدھر جدھر سے بھی مہمانِ کربلا</p>
<p>چشم کرم ہو گھیرے ہیں مجھ کو مصیبتیںسلطانِ کربلا مرے سلطانِ کربلا</p>
<p>مت پوچھئے ملی ہیں اسے کتنی عظمتیں"زاہد" ہوا ہے جب سے ثنا خوانِ کربلا</p>