نعت : کب مجھے شاہ کا دیوانہ کہے گی دنیا

<p>رشحات قلم : محمد زاہد رضا بنارسی</p>
<p>دین سے بڑھ کے اگر تجھ کو جچے گی دنیاآخرت پائے گا تو اور نہ ملے گی دنیا</p>
<p>ہٹ کے سرکارِ مدینہ کے اصولوں سے کبھینہ چلی تھی نہ چلی ہے نہ چلے گی دنیا</p>
<p>سنتِ احمدِ مرسل میں اے ڈھلنے والےمیرا ایماں ہے تری داسی بنے گی دنیا</p>
<p>کھلتے جائیں گے خدائی کے رموز واسرارجب بھی معراج محمدﷺ کوپڑھے گی دنیا</p>
<p>کب مرا عشقِ نبی ہوگا جنونی مولاکب مجھے شاہ کا دیوانہ کہے گی دنیا</p>
<p>میرا ایمان ہے یہ اے مرے آقائے کریمایک دن آپکی سیرت پہ چلے گی دنیا</p>
<p>صرف اک بار درِ آقا پہ ہو آ "زاہد"پھر ترے دل کو کبھی بھا نہ سکے گی دنیا</p>