نعت : خواب میں ہوجاے شاید مجھ کو بھی دیدار میم

<p>ازقلم : غلام آسی مونس پورنوی</p>
<p>سب سے پہلے حق تعالیٰ نے کیا اظہار میمجس طرف بھی دیکھیے ہیں اس طرف انوار میم</p>
<p>میم کا مصدر نہ ہوتا تو نہ ہوتی کوئی شےجلوۂ کن میں نہاں ہیں بے شمار اسرار میم</p>
<p>حضرت آدم سے لیکر حضرت عیسٰی تلکہے مؤخر مبتداء وہ اور سبھی اخبار میم</p>
<p>تھے ابھی کعبہ میں پل میں پہنچے اوج عرش پرناپ سکتا ہے بھلا کیسے کوئی رفتار میم</p>
<p>طور پر موسی کو حق نے لن ترانی کہہ دیااور خود بلوا کے دیکھا قرب میں رخسار میم</p>
<p>باوضو ہوکر میں سوتا ہوں ہر اک شب اس لیےخواب میں ہو جائے شاید مجھ کو بھی دیدار میم</p>
<p>حشر میں تقسیم ہاتھوں سے کریں گے اپنے جاماور مچل کر پیتے جائیں گے سبھی میخوار میم</p>
<p>فخر ازہر کے طفیل آسی نے پایا یہ شرفہو رہی ہے جو زباں سے مدحت اشعار میم</p>