مدحتِ شیر خدا علی المرتضٰی رضی اللہ عنہ

<p>نتیجۂ فکر: سلمان رضا فریدی مصباحی، مسقط عمان</p>
<p>علم والوں کی روشنی ہیں علیعشق والوں کی بندگی ہیں علی</p>
<p>اُن کی الفت ، نبی کی الفت ہےنبضِ ایماں کی زندگی ہیں علی</p>
<p>آرہی ہے صداے "مَنْ کُنتُ"سَر بَسَر جلوۂ نبی ہیں علی</p>
<p>دیکھو نظّارۂ شبِ ہجرتعکسِ کردار احمدی ہیں علی</p>
<p>نقشِ "تطہیر" فردِ "فی القربیٰ"گوہرِ بحرِ ہاشمی ہیں علی</p>
<p>قبلۂ کاروانِ اہلِ حقکعبۂ جانِ ہر ولی ہیں علی</p>
<p>اُن کا نام آیا ، بڑھ گئ طاقتہر مسلمان کی خودی ہیں علی</p>
<p>ناز جن پر کرے شجاعت بھیایسے جانباز اور جری ہیں علی</p>
<p>"إنَّما" اور "وَلِیُّکُم" دیکھوہیں مددگار اور سخی ہیں علی</p>
<p>حُسنِ اسلام اُن سے نکھرا ہےروے ملت کی دلکشی ہیں علی</p>
<p>شمس جن کے لیے ہوا واپسآفتابِ شَرَف وہی ہیں علی</p>
<p>جیسے موسیٰ کے واسطے ہارونیوں وزیرِ محمدی ہیں علی</p>
<p>ملک روحانیت کے شاہِ عظیمظِلّ دستِ پیمبری ہیں علی</p>
<p>اُن کا مکتب بنی ، نگاہِ رسولیعنی پروردۂ نبی ہیں علی</p>
<p>شانِ اصحاب ، والدِ حسنینراحتِ قلبِ فاطمی ہیں علی</p>
<p>حُبّ قلبِ عمر ، رفیقِ عتیقرازدار دلِ غنی ہیں علی</p>
<p>شیر اسلام ، فاتحِ خیبرآبروے بہادری ہیں علی</p>
<p>میرِ میخانۂ علوم و فنونجانِ بزم سخنوری ہیں علی</p>
<p>پاؤں کی دھول، مہر و ماہ و نجومایسے انوار کے دھنی ہیں علی</p>
<p>اُن سا آیا ہے اور نہ آئے گاپہلے ہیں اور آخری ہیں علی</p>
<p>گلشنِ دینِ مصطفیٰ کی بہارباغِ عرفاں کی تازگی ہیں علی</p>
<p>شمس جا ! پھر تجھے پلٹنا ہےطاعتِ عشق میں ابھی ہیں علی</p>
<p>آ کے جانا نہ ان کی عصر تلکسُن اے مَہرِ فلک ، علی ہیں علی</p>
<p>اِس لیے علم کے وہ باب ہوئےذاتِ سَروَر کی آگہی ہیں علی</p>
<p>اِس جہاں میں وہ مومنوں کے وکیلحشر میں بھی سفارشی ہیں علی</p>
<p>کوئ دل سے اُنھیں پکارے تورہنمائ پہ آج بھی ہیں علی</p>
<p>اے فریدی وہ فخر اُمَّت ہیںقلبِ اسلام کی خوشی ہیں علی</p>